1.1. Энэхүү Үйлчилгээний нөхцөлөөр “Вивавосе” ХХК (“Компани”, эсхүл “Бид” гэх)-ийн хөгжүүлсэн “BUMTAN” аппликэйшн (“Апп” гэх)-д хэрэглэгчийг бүртгэх, Апп-г ашиглах, сугалаа худалдан авч хонжворт сугалаанд оролцоход баримтлах журмыг тодорхойлно.
1.2. Та ("Хэрэглэгч”) Апп-д бүртгүүлснээр Үйлчилгээний нөхцөлийг заавал дагаж мөрдөх үүрэг хүлээх тул бүрэн танилцаж, хүлээн зөвшөөрөх эсэхээ шийдвэрлэнэ үү.
1.3. Та Үйлчилгээний нөхцөл, Нууцлалын бодлоготой бүрэн танилцаж, цахимаар хүлээн зөвшөөрөн хэрэглэгчийн бүртгэл үүсгэснээр Апп-г бүрэн ашиглах боломжтой болно.
1.4. Компани Монгол Улсын Зөвшөөрлийн тухай хуульд заасан “эд мөнгөний хонжворт сугалаа гаргах” тусгай зөвшөөрлийн хүрээнд Bumtan хонжворт сугалааг хэрэглэгчид санал болгон, үйл ажиллагаа эрхэлж байгаа болно.
1.5. Үйлчилгээний нөхцөлд хэрэглэсэн нэр томьёог дор дурдсан утгаар ойлгоно. Үүнд:
1.5.1. “Хонжворт сугалаа” эсхүл “Сугалаа” гэж Компаниас гаргаж буй Апп дээрх аппликэйшны хусдаг болон хонжворын тохиролтой сугалааг;
1.5.2. “Хонжвор” гэж хонжворт сугалааны тохирлоор тодорхойлогдсон, ялагчид олгох мөнгөн дүн, эсхүл түүнтэй адилтгах хөрөнгийг;
1.5.3. “Хэтэвч” гэж Хэрэглэгчийн бүртгэл үүсгэсний дараа Хэрэглэгч сугалаа худалдан авах зорилгоор мөнгө байршуулах болон сугалааны хонжворыг хэрэглэгчид олгох, харуулах Апп дээрх Хэрэглэгчийн бүртгэлийн хэсгийг;
1.5.4. “Сугалааны дүрэм” гэж сугалааны тохирол шалгаруулах үйл ажиллагаа буюу Компанийн тодорхойлсон сугалааны журмыг;
1.5.5. “Ялагч” гэж тухайн сугалааны тохирлоор хонжвор хожсон, тухайн хонжворыг авах эрхтэй оролцогчийг;
Хэрэглэгчийн бүртгэл үүсгэх, баталгаажуулах
2.1. Хэрэглэгч нь 18 насанд хүрсэн, эрх зүйн бүрэн чадамжтай, Монгол улсын банканд өөрийн нэр дээр данс эзэмшдэг Монгол улсын иргэн байна.
2.2. Хэрэглэгч нь Апп-д өөрийн утасны дугаар, нэг удаагийн нууц үгийг оруулснаар бүртгэл хийгдэж, Апп-д нэвтэрнэ. Хэрэглэгч өөрийн овог нэр, улсын бүртгэлийн дугаар, И-мэйл хаяг, холбоо барих утасны дугаар, гэрийн хаяг болон өөрийн нэр дээрх Монгол Улс дахь банкны дансны дугаарыг кирилл үсгээр бүртгүүлж баталгаажуулна.
2.3. Хэрэглэгч 2.1-д заасан шаардлагыг хангасан бөгөөд 2.2 болон Нууцлалын бодлогод заасан хэрэглэгчийг танихтай холбоотой мэдээллийг бүрэн, үнэн зөв гаргаж өгснөөр хэрэглэгчийн бүртгэл баталгаажна.
2.4. Хэрэглэгчийн бүртгэл баталгаажсанаар хонжворт сугалаанд оролцох эрхтэй болно.
Хэрэглэгчийн бүртгэлтэй холбоотой эрх, үүрэг
2.5. Хэрэглэгч өөрийн болон гуравдагч этгээдийн нэрээр давхар бүртгэл үүсгэхгүй бөгөөд бүртгэл үүсгэсэн утасны дугаар өөрчлөгдсөн тохиолдолд Апп дах өөрийн бүртгэлийн мэдээллийг өөрчилж, шинэчлэх үүрэгтэй.
2.6. Хэрэглэгч Апп-д нэвтрэх нэр, нууц үг, утасны дугаар, нууц кодыг бусдад дамжуулахгүй, тэдгээрийн нууцлалыг хадгалах үүрэгтэй бөгөөд өөрөө болон таны хэрэглэгчийн бүртгэлийг ашиглан хийсэн аливаа үйлдлийн үр дагавар, Апп-ны бүртгэл, хэрэглээтэй холбоотой өөрт болон гуравдагч этгээдэд учирсан аливаа хохирол, зардлыг хэрэглэгч хариуцна.
2.7. Хэрэглэгчийн бүртгэл хийлгэхэд өгсөн таны мэдээлэл үнэн зөв байх ёстой бөгөөд Компани хэрэглэгчийн бүртгэл худал, зөрүүтэй гэж үзсэн тохиолдолд таны хэтэвчийн хөдөлгөөнийг зогсоох, хонжворыг олгохгүй байх эрхтэй.
2.8. Таны мэдээллийг ашиглан бүртгэл үүсгэсэн эсхүл Таны хэрэглэгчийн бүртгэлийг өөр этгээд ашигласантай холбоотой зөрчлийн талаар өөрөөс шалтгаалах арга хэмжээг авч, энэ талаар Компанид яаралтай мэдэгдэх үүрэгтэй.
3.1. Хэрэглэгч хонжворт сугалааг урьдчилан худалдан авснаар сугалаанд оролцоно. Үйлчилгээний нөхцөл нь Апп-д зохион байгуулагдах бүх сугалаанд нэгэн адил үйлчилнэ.
3.2. Сугалаа нь биет болон Апп-аар явагдахаас хамаарч ялгаатай үйлдэл хийхээр тохируулагдсан байж болохыг анхаарна уу.
3.3. Аппликэйшнаар хусдаг сугалаа болон хонжворын тохиролтой гэсэн 2 төрлийн сугалааг зохион байгуулна.
3.4. Аппликэйшны хусдаг сугалаа:
3.4.1. Хэрэглэгч Апп-д хэрэглэгчийн бүртгэлийг баталгаажуулсны дараа худалдан авч оролцох боломжтой.
3.4.2. Аппликэйшны хусдаг сугалаа 3,000₮, 5,000₮, 10,000₮ төгрөгийн үнэтэй байх бөгөөд тасалбарын үнээс хамаарч хонжворын үнийн дүн өснө.
3.4.3. Хонжвор нь мөнгөн хөрөнгө байх бөгөөд тасалбарын үнээс хамаарч хамгийн ихдээ 30,000,000 - 100,000,000 төгрөг байна.
3.5. Хонжворын тохиролтой сугалаа:
3.5.1. Урьдчилан зарласан хонжворын сан бүрдсэний дараа ялагчийг тодруулах сугалааны төрөл байна.
3.5.2. Хэрэглэгч Апп-д хэрэглэгчийн бүртгэлийг баталгаажуулснаар сугалааны тасалбарыг худалдан авна.
3.5.3. Тасалбар 10,000 - 20,000 төгрөгийн үнэтэй байх ба сугалааны тасалбар борлуулалт болон сугалааны сангийн хэмжээнээс хамаарч ялгаатай зохион байгуулагдана.
3.5.4. Хонжвор нь мөнгөн хөрөнгө, хөдлөх болон үл хөдлөх эд хөрөнгө байна.
3.6. Сугалаа худалдаж авах, сугалаанд оролцох:
3.6.1. Та Апп дээр зарлагдсан сугалаанаас сонгон оролцох боломжтой бөгөөд Сугалаа бүр Компанийн баталсан өөрийн дүрмээр явагдана. Сугалааны дүрэм, азтанг шалгаруулах тохирол нь бүх хэрэглэгчдэд нээлттэй явагдана.
3.6.2. Та сугалаанд оролцохын өмнө Үйлчилгээний нөхцөл болон сугалааны дүрмийг анхааралтай уншина уу.
3.6.3. Хэрэглэгчийн бүртгэл баталгаажсанаар өөрийн Апп дахь хэтэвчийг цэнэглэх, сугалаа худалдан авах мөнгө байршуулах боломжтой болно.
3.6.4. Хэрэглэгч Апп дээрх төлбөрийн хэрэгслийг ашиглан сугалаа худалдаж авна.
3.6.5. Хусдаг сугалааны тасалбар бүр хамгаалалтын нууцлалтай, тохирлын буюу азын дугаар, хонжворын мэдээллийг агуулсан байна.
3.7. Хэрэглэгч дараахыг ойлгож, хүлээн зөвшөөрсний үндсэн дээр хонжворт сугалаанд оролцож байгаа болно. Үүнд:
3.7.1. Та өөрийн хүсэл зоригийн дагуу, хонжворт сугалааны эрсдэл, үр дагаврыг бүрэн ойлгож, хүлээн зөвшөөрснөөр Апп-г ашиглаж, сугалаанд оролцож байгаа бөгөөд Бид сугалаанд хожих, хонжвор авах боломжтой талаар баталгааг танд гаргахгүй.
3.7.2. Бид эд мөнгөний хонжворт сугалаа гаргахтай холбоотой хууль тогтоомжид заасан шаардлагыг хангаж ажиллах бөгөөд Компанийн хонжворт сугалааны Апп нь ямар ч үед аюулгүй, алдаа, тасалдалгүй ажиллана гэдэгт баталгаа гаргаагүй болно. Компанийн хяналтаас гадуур, гэнэтийн болон давагдашгүй хүчин зүйлс (байгалийн хүчин зүйл, төрийн эрх бүхий байгууллагын шийдвэр, цахилгаан, интернэт, сүлжээний тасалдал, доголдол гэх мэт)-ийн улмаас Апп-ыг ашиглах боломжгүй нөхцөл байдал үүсэж болно.
3.7.3. Хуульд зааснаас бусад тохиолдолд Компани хонжворт сугалааны үйл ажиллагаатай холбоотой Таны ашиг, орлогын алдагдлыг хариуцахгүй, Апп-н ашиглалт, хэрэглээтэй холбоотой шууд болон шууд бусаар Та болон бусад этгээдэд учирсан аливаа үр дагавар, зардал, хохирлыг хариуцахгүй.
3.8. Сугалаа зохион байгуулах, түүний дүрэм:
3.8.1. Аппликэйшны хусдаг сугалаанаас хонжвор таарсан эсэхийг хэрэглэгч тэр даруй өөрөө мэдэх боломжтой байна.
3.8.2. Хонжворын тохиролтой сугалааны ялагчийг Компани цэвэр тохиолдлын, санамсаргүй аргаар шалгаруулах бөгөөд үүнд холбогдох хөгжүүлэлт, алгоритмыг хийнэ.
3.8.3. Хонжворын тохиролтой сугалааг тодорхой хугацааны (1-3 сар г.м) давтамжтайгаар хонжворын сан бүрдмэгц зохион байгуулж, ялагчийг олон нийтийн ТВ суваг эсхүл олон нийтийн сүлжээний хаягаар шууд дамжуулалт (live)-аар тодруулна. Сугалаа зохион байгуулагдсаны дараа ялагчийн мэдээлэл, сугалааны дугаар, хонжворын дүнг Апп-р нээлттэй мэдээлнэ.
3.8.4. Хэрэглэгчид түүний худалдан авсан тасалбарт хамаарах сугалааны тохирлын талаар мэдээллийг Апп-н мэдэгдэл хэсгээр өгнө.
4.1. Сугалааны хонжвор нь бэлэн мөнгө, хөдлөх болон үл хөдлөх эд хөрөнгө байна. Хонжворыг сугалааны тасалбар худалдан авах үед эсхүл тохирол явагдахад хэрэглэгчид харуулна.
4.2. Мөнгөөр олгогдох хонжворыг сугалааны дүрэмд өөрөөр заагаагүй бол хожсон, тохирол болсон өдөрт нь Ялагчийн Апп дээрх хэтэвчинд шилжүүлнэ. Ийнхүү шилжүүлэхдээ хонжвороос Монгол Улсын хуульд заасны дагуу холбогдох татварыг суутгасан дүнгээр шилжүүлнэ.
4.3. Эд хөрөнгөөр олгох хонжворыг сугалааны дүрэмд өөрөөр заагаагүй бол тохирол болсон өдөрт Ялагч өөрийн биеэр Компанийн байранд хүрэлцэн ирснээр гардан авна. Ялагч өөрөө татвар төлсөн баримтаа авчран эд хөрөнгийн хүлээн авах эсхүл татвар суутгасан дүнгээр мөнгөөр хонжворыг олгоно.
4.4. 5,000,000 төгрөгөөс дээш үнийн дүн бүхий сугалааны хонжворыг хожсон өдрөөс хойш ажлын 3 хоногийн дараа Хэрэглэгчийн хэтэвчээс Хэрэглэгчийн Апп-д бүртгүүлсэн банкны дансанд шилжүүлэн авах боломжтой болно.
4.5. Хэрэглэгч хонжворыг QPay-ээр дамжуулан эсхүл өөрийн нэр дээрх бүртгэлтэй данс руу шилжүүлэг хийн авах, ашиглах боломжтой.
4.6. Хэрэглэгчийн Апп дээр хийсэн идэвхтэй үйлдлээр лояалти оноо цуглуулах боломжтой бөгөөд сугалааны тасалбар худалдан авалт тутмын 5%-д лояалти оноог Хэрэглэгчийн хэтэвчид олгоно. Хэрэглэгч өөрийн лояалти оноог Апп дээрээс сугалаан худалдан авахад зарцуулна.
4.7. Хонжворыг олгохдоо Компани Хэрэглэгчийн мэдээллийг шалгах, нягтлах эрхтэй бөгөөд Хэрэглэгчийн мэдээлэл дутуу, зөрүүтэй, хэрэглэгч Компанийн Сугалааны хонжворыг олгох үед тасалбар шалгах, магадлах дүрэмд заасан шаардлагыг хангаагүй тохиолдолд хонжвор олгох хугацааг хойшлуулах, татгалзах эрхтэй.
4.8. Ялагчийн хонжворыг нэг жилийн хугацаанд хадгалах бөгөөд энэ хугацаанд Хэрэглэгч хонжвороо аваагүй тохиолдолд Тодорсон ялагч шаардаж аваагүй хонжворыг хадгалах, зарцуулах журамд заасны дагуу зарцуулна.
4.9. Хэрэглэгч хэтэвчээ ашиглаагүй 6 (зургаа) сар болсон тохиолдолд хэтэвчинд мөнгө байгаа тохиолдолд мөнгийг таны бүртгэлтэй данс руу шилжүүлэн, таны бүртгэлийг устгана. Хэрэв хонжвор буцаагдахгүй нөхцөлтэй бол Компани өөрийн журмын дагуу зарцуулах эрхтэй.
5.1. Хэрэглэгч Апп-г Үйлчилгээний нөхцөлд заасан журам, нөхцөлийн дагуу ашиглах үүрэгтэй бөгөөд Апп-г Үйлчилгээний нөхцөлийн 6-д заасан нөхцөлөөр ашиглахгүй байх үүрэгтэй.
5.2. Апп-д үнэн зөв мэдээлэл оруулах ба Компани болон бусад Хэрэглэгчид худал, төөрөгдүүлсэн, дутуу, буруу мэдээлэл өгөхгүй байх үүрэгтэй.
5.3. Апп-д нэгээс дээш бүртгэл нээхгүй, гуравдагч этгээдийн нэрийн өмнөөс бүртгэл үүсгэн ашиглахгүй байх үүрэгтэй.
5.4. Апп-ээс гадуур төлбөр тооцоо хийх, хүлээн авахгүй байх үүрэгтэй.
5.5. Апп-д аливаа доголдол, саатал гарсан даруйд Компанид мэдэгдэх үүрэгтэй.
5.6. Апп-г сайжруулахтай холбоотой санал, хүсэлтээ Компанид гаргах эрхтэй.
5.7. Өөрийн бүртгэлийг Апп-аар дамжуулан устгах, Компанид хандан устгуулах эрхтэй.
5.8. Өөрийн хэрэглэгчийн бүртгэлийн аюулгүй байдлыг хангах (нэр, нууц үгийг нууцлах, ашиглаж дуусах бүртгээ бүртгэлээс гарах г.м) үүрэгтэй.
5.9. Бүртгүүлэхэд өгсөн мэдээлэлд өөрчлөлт орсон, шинэчлэгдсэн тохиолдолд Апп-ын бүртгэл хэсэг дэх мэдээлэлд өөрчлөлт оруулах эрхтэй.
5.10. Хэрэглэгч өөрийн оруулсан мэдээллийн үнэн зөв байдлыг хариуцах ба үүнтэй холбоотой үүсэн гарах аливаа үүрэг, хариуцлага, хохирлыг Хэрэглэгч бүрэн хариуцна.
6.1. Хэрэглэгчид дараах үйлдлийг хориглох бөгөөд дараах үйлдлийг гүйцэтгэсэн эсхүл гүйцэтгэхийг оролдсон нөхцөлд Компани Таны Апп-ны хэрэглээг тодорхой хугацаагаар хязгаарлах эсхүл зогсоож, Хэрэглэгчийн бүртгэлийг хаах хүртэл арга хэмжээг авна. Үүнд:
6.1.1. Апп-г зүй бусаар, хууль бус зорилгоор ашигласан, зөрчил, гэмт хэргийн шинжтэй үйлдэл гаргасан;
6.1.2. Апп-г аливаа арилжаа, худалдааны бүтээгдэхүүн, үйлчилгээг сурталчлах, бусдаас нэмэлт ашиг олох зорилгоор ашигласан;
6.1.3. Апп дээр Компанийн эрх, нэр хүндийг гутаасан, оюуны өмчийн эрхийг зөрчсөн;
6.1.4. Апп-ны хэвийн үйл ажиллагаанд зориудаар саад болох, үйлчилгээг удаашруулах, зогсоох, тасалдуулах үйлдэл гаргасан;
6.1.5. Хэрэглэгчийн бүртгэлийг хуурамчаар үүсгэсэн, хэд хэдэн хэрэглэгчийн бүртгэл үүсгэсэн, бусад этгээдийн мэдээллийг зөвшөөрөлгүй ашигласан, хэрэглэгчийн бүртгэлийг бусдад төлбөртэй, төлбөргүй шилжүүлэх замаар Апп-г бусдад ашиглуулсан, бусдыг төөрөгдүүлэх байдлаар Апп-г ашигласан;
6.1.6. Компани болон Хэрэглэгчдийн аюулгүй байдлыг эрсдэлд оруулсан, эсхүл залилах, гэмт хэргийн шинжтэй бусад үйлдэл, эс үйлдлийг гаргасан.
6.2. Компани Хэрэглэгчийг мөнгө угаах болон залилах шинжтэй үйлдэлд сэжиглэсэн тохиолдолд энэ нь 6.1-д заасан арга хэмжээг хэрэгжүүлэх үндэслэл болно.
6.3. Хэрэглэгч 6.1-д заасан хориглолтыг зөрчсөний улмаас үүссэн аливаа төлбөр, нэхэмжлэл, зардал, хохирлыг төлж, барагдуулах үүрэгтэй.
6.4. Компани өөрсдийн хэвлэн нийтлээгүй (бусад этгээд Компанийн нэр, лого, зураг зэргийг ашигласан г.м) контентын үнэн зөвийг баталгаажуулахгүй, хариуцлага хүлээхгүй болно.
6.5. Компани Апп-ыг өдрийн аль ч цагт ашиглах боломжтойгоор хөгжүүлэх хэдий ч Апп-д засвар, шинэчлэл хийх, харилцаа холбоо, төлбөр тооцооны хэрэгслийн холболтод доголдол үүссэн тохиолдолд тэдгээрийг цаг тухай бүр засварлаж ажиллана.
7.1 Апп-д бүртгэл үүсгэх, Апп-г хэрэглэх явцад Хэрэглэгч болон түүний хандалтын талаарх тодорхой мэдээлэл, бичиг баримтууд болон хэрэглэгчийн хувийн мэдээллийг Компани Нууцлалын бодлогын дагуу цуглуулж, боловсруулж, ашиглана.
7.2 Компани нь сугалааны тохирол, хонжвор, Хэрэглэгчтэй холбоотой мэдээллийг бүртгэгдсэнээс хойш 6 (зургаа) сар хүртэл хугацаанд хадгална.
8.1. Апп-ны загвар, үндсэн бүтэц, дизайн, бүтээгдэхүүн үйлчилгээний шийдэл, сугалааны хэлбэр, сугалааны дүрэм, санал болгож буй үйлчилгээ, Апп дээрх бүхий л контент, агуулга, лого, бичвэр, дүрс, материалын барааны тэмдэг, зохиогчийн эрх, оюуны өмч, тэдгээрийг ашиглах онцгой эрх нь Компани эсхүл тухайн оюуны өмчийн эрх эзэмшигчид хадгалагдана.
8.2. Хэрэглэгч Компанитай өрсөлдөх үйл ажиллагаа явуулах зорилгоор Апп болон түүнд хамаарах аливаа хэсгийг хуулбарлах, худалдах, өөрчлөн ашиглах зэрэг үйлдэл гаргахыг хориглоно.
8.3. Компанийн оюуны өмчид хамаарах заалтыг Хэрэглэгч зөрчсөн тохиолдолд түүний үр дагаварт учирсан хохирол, нөхөн төлбөрийг хариуцна.
9.1. Үйлчилгээний нөхцөлд нэмэлт, өөрчлөлт орсон даруйд Хэрэглэгч нь танилцах үүрэгтэй бөгөөд тухайн нөхцөлтэй танилцах боломжоор хангаж Апп-д нээлттэй байршуулна.
9.2. Үйлчилгээний нөхцөл, түүнд оруулсан нэмэлт, өөрчлөлтийг Апп-д байршуулсан өдрөөс эхлэн Хэрэглэгч дагаж мөрдөнө. Хонжворыг олгохдоо хонжвор олгох өдөр хүчин төгөлдөр мөрдөгдөж буй Үйлчилгээний нөхцөлийн дагуу олгоно.
9.3. Та Үйлчилгээний нөхцөлтэй холбоотой санал, хүсэлтээ холбоо барих хэсэгт дурдсан хэрэгслээр дамжуулан бидэнд ирүүлнэ үү.